ఆశా వర్కర్ల హక్కుల కోసం గొంతెత్తితే అరెస్టులా?

కొడంగల్‌లో ఆశా వర్కర్ల హక్కుల సాధన కోసం ఏర్పాటు చేసిన సమావేశానికి హాజరవుతున్న బీఆర్ఎస్ కార్మిక విభాగం అధ్యక్షుడు రాంబాబు గారిని, ఆశా వర్కర్ల యూనియన్ రాష్ట్ర అధ్యక్షురాలు సంతోషా గారిని కొడంగల్ పోలీసులు అరెస్టు చేసి పరిగి పోలీస్ స్టేషన్‌కు తరలించడం తీవ్ర చర్చనీయాంశంగా మారింది.

కేవలం ఆశా వర్కర్ల సమస్యలు, హక్కులపై చర్చించేందుకు సమావేశం ఏర్పాటు చేసుకున్నామని, ఎలాంటి ర్యాలీలు గానీ, ఆందోళన కార్యక్రమాలు గానీ నిర్వహించడం లేదని స్పష్టం చేసినప్పటికీ నాయకులను అరెస్టు చేయడం ప్రజాస్వామ్య హక్కులను కాలరాయడమేనని బీఆర్ఎస్ నాయకులు ఆగ్రహం వ్యక్తం చేశారు.

సమావేశం నిర్వహించుకోవడం కూడా తప్పేనా? ఆశా వర్కర్ల హక్కుల కోసం మాట్లాడే నాయకులను అరెస్టు చేయడం ద్వారా ప్రభుత్వం వారి గొంతును నొక్కే ప్రయత్నం చేస్తోందని విమర్శించారు. కార్మికుల సమస్యలను ప్రభుత్వం పరిష్కరించాల్సింది పోయి, వారి తరఫున మాట్లాడే నాయకులను పోలీసులతో అణచివేయడం సరికాదని పేర్కొన్నారు.

అరెస్టు చేసిన నాయకులకు సంఘీభావం తెలిపిన పరిగి బీఆర్ఎస్ నాయకులు ఈ చర్యలను తీవ్రంగా ఖండించారు.

ఈ కార్యక్రమంలో పరిగి మండల అధ్యక్షులు ఆర్. ఆంజనేయులు గారు, మాజీ మార్కెట్ కమిటీ చైర్మన్ సురేందర్ గారు, సీనియర్ నాయకులు ప్రవీణ్ కుమార్ రెడ్డి గారు, కౌన్సిలర్లు జాక్ రవికుమార్ గారు, మీదిగడ్డ శ్రీనివాస్ గారు, ఆంజనేయులు గారు, శశాంక్ రెడ్డి గారు, నరేష్ యాదవ్ గారు brs లీగల్ సెల్ చైతన్య కిరణ్ గారు తదితరులు పాల్గొని తమ సంఘీభావాన్ని ప్రకటించారు.

ఆశా వర్కర్ల హక్కుల కోసం పోరాడే గొంతుకలను అరెస్టులతో ఆపలేరు. కార్మికుల హక్కుల సాధనకు బీఆర్ఎస్ పార్టీ అండగా ఉంటుందని నాయకులు స్పష్టం చేశారు.